TEGESE SALOKA PARIBASAN JAWA

Posted By gusdar »

Selasa, 03 April 2018

Saloka, yaiku unen-unen utawa tembungan kang ajeng penganggone, duwe teges entar, ngemu surasa pepindhan, dene kang dipindhakake wonge utawa barange.

 Kacang nurut lanjaran tegese tingkah lakune anak lumrahe ora bedo karo tingkah lakune wong tuwane.

Timun mungsuh duren  wong cilik padudon mungsuh wong gedhe  mesthi bakal kalahe

Bathok bolu isi madu, tegese wong asor nanging sugih kapinteran.

Kaya banyu karo lenga, tegese pasaduluran kang ora bisa rukun.

Gajah ngidak rapah tegese wong kang nglanggar wewalere dhewe.

Kutuk marani sunduk tegese wong kang njarag marang bebaya.

Kebo nusu gudel tegese wong tuwa njaluk warah marang wong enom.

Kebo kabotan sungu tegese wong kang rekasa uripe jalaran kakehan anak.

Kebo bule mati setra, tegese wong pinter nanging ora ana sing nganggokake.

Kebo mulih menyang kandhange, tegese wong lunga utawa barang ilang sing bali maneh menyang asale.

Digunakake kanggo ngritik kabeh perilaku negative masyarakat tanpa kudu nglirwakake perilaku individu. Kajaba iku, fungsi saloka minangka panuntun utawa ngajar kanggo masyarakat