PASRAH KULAWARGA PENGANTÈN KAKUNG

Posted By gusdar »

Jumat, 16 Maret 2018

Assalamu alaikum wr wb.

Puniko dalem ngaturaken konsep naskah pasrah ugi panampi.

Wonten kirang trep lan sae monggo dipun tambah utawi dipun kirangi.

Nuwun.

PASRAH KULAWARGA PENGANTÈN KAKUNG

Assalamu alaikum WW.

Bapa dr H Bambang Priyo Utomo sekalian,

Kinanti ing puja puji syukur ngarsanipun Gusti Allah swt, keparenga kawula cumanthaka matur minangka sulih sarira saking Bapa H Moehariadi, SH sekalian.

Sowan kula sagotrah wonten Tuban ari punika Sabtu 28 Oktober 2017 saperlu netepi darmaning sepuh, gegayutan kalian janji ingkang sampun tinali.

Kados ingkang sampun kauningan, lampah kawula sabrayat mliginipun nyowanaken anakmas dr Harry Wahyu Agustono putra kakung saking penjenenganipun Bapa H Moehariadi,SH saha ibu Hjh dr Hariwati, SpM.

Wosing sowan enjang punika kawula masrahaken anakmas Dr Hary wahyu Agustono ingkang nyuwun dipun nikahaken kalian puteri penjenengan, anak angger dr Mytta Putri Utami.

Anakmas dr Harry namung sangu antebing katresnan sejati dumateng keng putra pun dr Mytta saha agunging iman dumateng Gusti Allah swt, ugi niat kiat mbangun bebrayan ingkang bagya mulya lahir batin.

Salajengipun purba wasesa kula sumanggaaken dumateng Bapa dr H Bambang Priyo Utomo.

Wasana, kula sabraya ngaturaken agunging panuwun ingkang tanpa pepindan saha bilih kridaning pangombyong rinaos kirang nuju prana, nyuwun lumunturing sih samodra pangaksami.

Wassalamu alaikum WW.